Пацярпеў цягнік міжрэгіянальных ліній бізнэс-клясы нумар 752 Менск – Гомель. Ён на пераезьдзе сутыкнуўся зь лесавозам, які, парушыўшы правілы, паехаў на чырвоны сыгнал сьвятлафора.
На момант здарэньня ў цягніку былі 240 пасажыраў. Апэратыўныя зьвесткі гавораць, што пацярпелых сярод іх няма.
У выніку аварыі пашкоджана кабіна электрацягніка, два вагоны і кантактная сетка. Рух цягнікоў на гэтым участку прыпынілі.
Беларуская чыгунка заявіла, што прымае апэратыўныя захады для ліквідацыі наступстваў здарэньня.
Каб даставіць пасажыраў да месцаў прызначэньня, арганізуюць дадатковы цягнік. На месца здарэньня выехала брыгада хуткай дапамогі. Аднак і ў дадатковым паведамленьні Беларуская чыгунка запэўніла, што ні пасажырам, ні брыгадзе машыністаў мэдычная дапамога не спатрэбілася.
Дадатковы цягнік накіравалі ад станцыі Чырвоны Бераг да станцыі Гомель з прыпынкамі на маршруце цягніка нумар 752 Менск – Гомель на станцыях Жлобін і Буда-Кашалёўская.
Форум